Tensionet në veri, Mustafa: Qortimi katastrofal amerikan ndaj Kurtit dhe qeverisë

Ish-kryetari i LDK-së, Isa Mustafa ka thënë se pas reagimit që Departamenti Amerikan i Shtetit bëri ndaj situatës në veri të Kosovë, qeveria Kurti tani s’mund të tërhiqet. Për të deklarata e Shteteve të Bashkuara të Amerikës ishte shumë eksplicite.

“Nuk shoh mundësi që qeveria mund të tërhiqet nga kjo situatë. Situata ka ndodhë. Si pasojë ka ndodhur qortimi katastrofal amerikan ndaj Kurtit dhe qeverisë. Tani mund të flitet vetëm për pasojat”, tha ai.

Kujtojmë se Departamenti Amerikan i Shtetit, pas situatës së krijuar në veri të vendit tha se kjo “veprimet do të kenë pasoja në marrëdhënien bilaterale ShBA-Kosovë”.