Tërheqja e diplomatëve serbë nga Maqedonia, dyshime për spiunazh

Presidenti i Serbisë, Aleksandër Vuçiç, ka reaguar pas tërheqjes së trupës diplomatike nga Maqedonia.

Vuçiç deklaroi se organet kompetente serbe konfirmuan dhe vërtetuan se kundër Serbisë është bërë veprimtari kundërzbulimi dhe se për këtë arsye është tërhequr personeli nga Ambasada serbe në Maqedoni.

“Organet tona kompetente konfirmuan dhe parashtruan argumente për veprimtari kundërzbulimi kundër institucioneve të Serbisë”, deklaroi Vuçiç para gazetarëve.

Ai rekomandoi se megjithatë Serbia do të vazhdojë që të ruajë marrëdhënie miqësore me Maqedoninë.
“Për shtatë deri dhjetë ditë gjërat do të jenë më të qarta”, theksoi Vuçiç.