Vritet në Beograd ish-avokati i Millosheviçit

Avokati i njohur serb, Dragoslav Ognjanoviç, u vra të shtunën para banesës së tij në Beograd.
Dragoslav Ognjanoviç, një avokat i njohur në Serbi, është vrarë të shtunën pasdite para ndërtesës ku banonte në lagjen Beogradi i Ri në kryeqytetin serb, bëjnë të ditur mediat serbe.

Në momentin e raportimit, Policia ishte ende në vendin e ngjarjes, ndërsa të gjitha rrugët rreth zonës janë të bllokuara.

Ognjanovic ishte pjesë e ekipit ligjor të ish-presidentit të Serbisë, Slobodan Miloseviç, gjatë gjykimit në Tribunalin e Hagës për ish-Jugosllavinë.

Gjithashtu, Ognjanoviç ishte avokat mbrojtës në shumë raste të profilit të lartë që kishin të bënin me mafinë në gjykimet që zhvilloheshin në gjykatat serbe dhe malazeze.