Vuçiç: Serbia ushtarakisht neutrale, por kjo nuk pengon bashkëpunimin me NATO-n
Rajoni E Shtunë, 29 Maj 2021 10:00
BEOGRAD– Presidenti i Serbisë, Aleksandar Vuçiç, gjatë një takimi me kreun e Asamblesë Parlamentare të NATO-s, Paolo Ali, tha se Serbia do të mbetej ushtarakisht neutrale, por kjo nuk përbënte pengesë për zhvillimin e bashkëpunimit me aleancën ushtarake në Partneritetin për Paqe për rritjen e stabilitetit, sidomos në rajonin e Ballkanit Perëndimor.
Në një kumtesë të publikuar nga kabineti i presidentit të Serbisë thuhet se “Ali mbështeti përpjekjet e bëra nga Serbia për të investuar në ruajtjen e stabilitetit dhe në zgjerimin e bashkëpunimit në rajon”.
Siç thuhet më tej, në takim me kreun e Asamblesë Parlamentare të NATO-s, Vuçiç theksoi se pjesëmarrja e Serbisë në seancën vjetore të Asamblesë Parlamentare të NATO-s, si anëtare e asociuar, kontribuonte në mirëkuptimin dhe besimin reciprok.
