Pse nuk dobësohemi? Tre gabimet që bëjmë kur ecim dhe nuk dobësohemi

Ecja është një ushtrim aerobik me përfitime të shumta për shëndetin dhe mirëqenien tonë.

Veçanërisht, ecja pas vaktit rezulton mjaft efektive, sepse shndërron shumicën e kalorive që sapo keni konsumuar në nxehtësi. Në këtë mënyrë, trupi juaj do t’i djegë ato shumë më lehtë.

Sidoqoftë, nëse nuk shihni një ndryshim në trup, mos u shqetësoni.
Këtu janë tre gabimet që bëjmë të gjithë dhe nuk dobësohemi.

Gabimi i parë: Nuk ndryshoni ritmin e ecjes

Hulumtimet tregojnë se ecja e shpejtë është mënyra më e mirë për të djegur kalori dhe për të rënë në peshë. Nëse e keni të vështirë të shpejtoni ritmin e ecjes, përpiquni të vraponi 3 me 4 minuta, me një minutë pushimi në mes. Kjo stërvitje mund të rregullojë metabolizmin tuaj. Ecja me intensitet të mesëm është 80–99 hapa në minutë, ndërsa ecja e shpejtë është 100–119 hapa në minutë.

Gabimi i dytë: Bëni gjithmonë të njëjtën rrugë

Nëse ecni në të njëjtën rrugë, me kalimin e kohës trupi do përshtatet dhe nuk do të jetë e lehtë për organizmin të humbasë peshën e tepërt. Përveç kësaj, ju filloni të mërziteni, kështu që humbisni motivimin tuaj. Prandaj, ndryshoni shpesh mjediset ku vraponi.

Gabimi i tretë: Nuk lëvizni duart

Nëse krahët thjesht varen majtas dhe djathtas, pjesa tjetër e trupit ka më shumë punë për të bërë dhe intensiteti i ushtrimit zvogëlohet. Ndërsa ecni, përpiquni të lëvizni krahët paralel me këmbët tuaja në mënyrë që të digjni më shumë kalori.