27 vjet bashkë, Michelle dedikim prekës për Obamën (Foto)

Ish-presidenti i Shteteve të Bashkuara të Amerikës, Barack Obama dhe bashkëshortja e tij, Michelle ditën e djeshme kanë festuar 27-vjetorin e martesës së tyre.

Gjatë këtyre 27 viteve ato kanë qenë pranë njëri-tjetrit në të mirë në të keq dhe kanë dhënë prova për një dashuri të vërtetë, e cila me vitet vjen duke u bërë akoma më e madhe.

Në një ditë të veçantë si përvjetori, Michelle ka vendosur ta urojë të shoqin publikisht dhe për këtë ka zgjedhur fjalët më të bukura që demostrojnë dashurinë mes tyre.

“27 vite më parë, ky djalë më premtoi një jetë plot me aventura. Do të thoja se ai ia ka arritur. Jemi gati për kapitullin tonë të ri për t’u bërë fole të zbrazëta dhe për të zbuluar ç’do të vijë tjetër, ndërkohë që e ndiejmë ende magjinë që na bashkoi shumë vite më parë. Gëzuar përvjetorin, Barack”,- ka shkruar ajo krahas një fotoje ku shfaqet së bashku me ish-presidentin, të dy më të lumtur se kurrë.