30 gushti ka një rëndësi të veçantë për Yll Limanin dhe kjo është arsyeja

Ylli Limani u bë i njohur në “The Voice of Albania” në vitin 2011 ku ra në sy jo vetëm për zërin fantastik, por edhe për sensin e tij të humorit duke shkaktuar shpesh të qeshura në skenë. Në këtë kompeticion ai arriti deri në fazën e gjysmëfinaleve.

“The Voice” shërbeu si një ogur i mirë për Yllin, megjithatë sikundër është shprehur edhe vetë, rrugën për të depërtuar tek fansat nëpërmjet talentit do e gjente në çdo mënyrë.

Si sot 8 vite më parë, 30 gusht 2012, Ylli do realizonte videoklipin e tij të parë “Lart mbi yje”, duke u bërë kështu zyrtarisht pjesë e industrisë së muzikës shqiptare.

Kjo është edhe arsyeja pse kjo e dielë nuk është e zakonshme për autorin e hiti “Nuk po kalojka”, pasi simbolizon fillimin e mirëfilltë të karrierës së tij, që do pasohej nga suksese gjithnjë në rritje.