7 qytete në garë për të pritur ”Eurovision Song Contest 2023”

Showbiz E Premte, 12 Gusht 2022 16:27

Nuk është një sekret që ”Eurovision Song Contest 2023”, do të mbahet në Mbretërinë e Bashkuar. Ukraina si shtet fitues, nuk është në gjendje për të mbajtur festivalin, edhe pse Presidenti Zelensky e dëshironte këtë gjë.

Cili do të jetë qyteti pritës i festivalit Europian? Media “BBC”, si edhe Unioni Europian i Transmetuesve, kanë njoftuar se në garë janë 7 qytete: Birmingham, Glasgow, Leeds, Liverpool, Manchester, Newcastle dhe Sheffield.

7 qytetet janë përzgjedhur në listën e ngushtë bazuar në aftësinë e tyre për të përmbushur një sërë kërkesash minimale që tregojnë se ata kanë kapacitetin, aftësinë dhe përvojën për të pritur një ngjarje të kësaj shkalle dhe kompleksiteti.