Al Paçino, tani dhe super hero!

Alferdo James, apo siç të gjithë e njohim si Al Pacino tashmë veten e tij do ta provojë edhe me role ku do të luajë super heronjtë. Kështu ka treguar vetë ai, kur ka thënë se tashmë i ka angazhuar producentët që t’i gjejnë ndonjë rol që do t’i përshtatej Është i njohur për rolet e tij si detektiv, oficer i policisë, apo avokat. Por, kësaj here Al Pacino do të interpretojë në filmat me super heronj. Aktori 74-vjeçar ka zbuluar se është takuar me Kevin Feige, presidentin e Studios Marvel dhe ka deklaruar se së shpejti mund të jetë pjesë e një filmi të frymëzuar nga novelat grafike. “Jam takuar me atë tipin e Marvelit. Të shohim nëse do gjejë diçka të përshtatshme për mua dhe nëse mua do më duket e përshtatshme”, ka theksuar aktori veteran. Studioja Marvel ka prodhuar sagën e filmave ‘Iron Man’, ‘Thor’ dhe ‘Captain America’. Al Pacino ndër të tjera është i njohur për rolet e tij në filmat ‘The Godfather’, ‘Scarface’, ‘Scent of a Woman’ e në shumë të tjerë, duke u bërë njëri ndër emrat më të kërkuar të kinematografisë botërore.