Angelina Jolie në takim me miliarderin e familjes më të pasur në botë

Angelina Jolie dhe miliarderi britanik David Mayer de Rothschild shijuan një drekë së bashku. Aktorja, 47 vjeç, dhe miliarderi, 44 vjeç, u panë duke lënë restorantin Nobu në Malibu, Kaliforni.

Page Six raportoi se takimi zgjati tre orë.

Jolie ishte veshur me një fustan të zi me prerje anash. Ajo e aksesoi pamjen me një palë taka të zeza dhe syze dielli.

Në fotot e siguruara nga Page Six, ylli i “Maleficent”, u pa e buzëqeshur. Edhe Mayer de Rothschild, i cili është pjesë e familjes më të pasur në botë, është shfaqur me humor të mirë, duke buzëqeshur së bashku me Jolie.