Armela flet për përballjet jashtë Big Brother dhe lidhjen me Damianon

Pak ditë pasi u përjashtua nga Big Brother për shkak të dënimit të partnerit të saj, Damiano, Armela, në të parën intervistë televizive ka rrëfyer më shumë për ditët e para jashtë shtëpisë.

Nga studio e “Pasdite në Top Channel”, Armela tha se këto ditë për të kanë qenë shumë të ngjeshura për shkak të vëmendjes së madhe mediatike që mori forma e largimit të saj dhe Damianos.

Veҫ të tjerave, ajo rrëfeu se personi i cili e kishte përjetuar më shumë presionin mediatik ishte e ëma, së cilës iu desh edhe të sqaronte pozicionin e vërtetë të së bijës në mënyrë që të shmangeshin për të paragjykimet e publikut, por nuk ia ka dalë dot.

“Ka pasur shumë shpifje… kemi një imagjinatë të jashtëzakonshme”,-tha ish-banorja e Big Brother duke iu referuar shkrimeve të ditëve të fundit të mediave duke theksuar se sidomos për punën e saj si modele ka pasur shumë abuzime.

Armela ka folur edhe për lidhjen me Damianon, e cila, në pamje të parë u duk se ishte konfuze. Lidhja mes tyre nuk ka përfunduar me pjesëmarrjen në Big Brother, tregon Armela, edhe pse bie ndesh me fjalët që tha vetë të shtunën e spektaklit “nuk jam e dashuruar me Damianon”.

Armela tha se lidhja me Damianon vijon, por e nisur nga pika zero. “Sot jemi bashkë. Jemi në lidhje. E kemi nisur lidhjen nga zero. Për shkak të angazhimeve të ndryshme nuk po qëndrojmë aq sa do të donim bashkë, por jemi në lidhje”.