Artistit shqiptar i bëjnë gjëmën gjatë natës, e gjen makinën shkrumb e hi

Persona ende të paidentifikuar i kanë vënë flakën makinës së stilistit të njohur shqiptar, Armend Ramadani.

Ngjarja ka ndodhur në qytetin e Shkupit, në orët e hershme të mëngjesit, e më saktësisht pas orës 03.00.

Kanë qenë fqinjët që e kanë lajmëruar Ramadanin mbi djegien e veturës të tipit Opel Jeep Antara, e cila është djegur tërësisht.

Kjo nuk është hera e parë që persona të panjohur tentojnë të dëmtojnë Ramadanin. Dy muaj më parë persona ende të paidentifikuar, kanë tentuar që t’i djegin dyqanin e tij.

Ndonëse policia është duke bërë hetimet mbi këtë rast, vet stilisti i njohur kërkon nga autoritetet kompetente të zbardhin rastin.

Ramadani ka thënë:

Ne jemi artistë e jemi punëtorë në shërbim të qytetarëve, shtetit i paguajmë tatimet dhe andaj kërkoj që të zbardhet rasti sa më shpejtë”.