Bebe Rexha mbështet Ariana Granden

Vazhdës së reagimeve të shumta ndaj shpërthimit në koncertin e Ariana Grandes, i është bashkangjitur edhe këngëtarja e famshme shqiptare Bebe Rexha.

Në shenjë solidarizimi për sulmin i cili shkaktoi vdekjen dhe lëndimin e shumë personave , Bebe Rexha ka publikuar një fotografi në rrjetin social Instagram ku ka shkruar: “Ne tash kemi nevojë për dashuri më shumë se kurrë. Zemërthyer. Po lutem për viktimat e pafajshme dhe familjet e tyre. Po lutem për ty Ariana. Po lutem për paqe”, ka shkruar ajo.

Ngjarja tragjike është vlerësuar si më e tmerrshmja që ka ndodhur kohëve të fundit, ndaj të cilës kanë reaguar një numër tejet i madh i njerëzve.

Ariana Grande ende është e tmerruar nga e gjithë kjo fatkeqësi që ka ndodhur. Kosova Press