“Bëhuni gati për tunduesen shqiptare”, Erjona Sulejmani pushton ekranin italian

Së shpejti Simona Ventura do të sjellë edicionin e parë të “Temptation Island Vip”, dhe pjesë e tij do të jetë ish-bashkëshortja e futbollistit shqiptar. Bëhet fjalë për Erjona Sulejmanin, ish-gruan e Blerim Xhemailit.

Sulejmani do të jetë pjesë e edicionit të parë të këtij reality show dhe do të ketë një rol mjaft erotik. Ajo do të joshë meshkujt brenda në ishull.

“Erjona, një emër pothuajse e panjohur për publikun italian ka  lindur në vitin 1986 në Shkodër, një qytet në veri të Shqipërisë. Në Shqipëri ajo arriti të fitonte edhe kurorën e “Miss Albania”. Për të vazhduar marrëdhënien e saj të dashurisë me Blerim Xhemaili, modelja u transferua në Itali. Në vitin 2015 ajo u martua me futbollistin dhe në të njëjtin vit lindi fëmija i tyre i parë me emrin Luan,” shkruan ndër të tjera “Iltempo.it”.