Beyonce mbështet Meghan Markle: Jemi frymëzuar nga ty

Këngëtarja Beyoncé postoi një mesazh në mbështetje të mikes së saj të ngushtë, Meghan Markle të martën në mbrëmje, ndërsa Dukesha e Sussex vazhdon të merret me pasojat nga intervista e saj me Oprah Winfrey.

“Faleminderit Meghan për guximin dhe udhëheqjen tënde. Ne të gjithë jemi forcuar dhe frymëzuar nga ty”,- shkroi Beyonce. Këngëtarja bashkohet me një numër miqsh të shquar të Markle, të cilët e kanë mbështetur atë publikisht përpara reagimeve në mediat sociale dhe shtypin në Mbretërinë e Bashkuar.

Serena Williams ishte ndër të parat që postoi një deklaratë të gjatë duke lavdëruar forcën e Markle në ndërmarrjen e intervistës me Winfrey, në të cilën Dukesha zbuloi se ajo ishte përballur me racizëm nga shtypi dhe familja mbretërore dhe kishte mendime për vetëvrasje.