Billie Eilish zbulon pse i mban flokët gjithmonë në ngjyrë jeshile

Këngëtarja më ‘IN’ e momentit, Billie Eilish, ka shpjeguar më në fund se përse flokët e saj janë gjithnjë në ngjyrë jeshile.

Përmes një videoje në Instagram, 19-vjeçarja iu ka kërkuar fansave që mos të komentojnë më flokët e saj, por albumin për të cilin ajo ka punuar fort.

Më tej, Billie shpjegoi se ngjyra e saj e flokëve e bën të lumtur dhe lidhet me qëndrueshmërinë e saj mendore.

“Unë nuk dua të jem më në depresion dhe ju lutem lumturohuni për mua. Ka kaq shumë kohë që unë mbaj këtë ngjyrë, që kur isha 13 vjeç dhe lidhet me qëndrueshmërinë time mendore dhe rritjen, prandaj më lini të qetë”, u shpreh ajo.

Më 26 shkurt të vitit 2021, Apple Original Film do të nxjerrë dokumentarin me titull “Billie Eilish, The World’s A Little Blurry”.  Sipas përmbledhjes zyrtare, dokumentari ofron një vështrim thellësisht intim në udhëtimin e një adoleshenteje të jashtëzakonshme, që sapo mbushi 17-vjeçe dhe e gjeti veten mes skenës, shtëpisë, familjes dhe studios.