Blerim Destani, John Travolta dhe Morgan Freeman në të njëjtin film Hollywood-ian

Blerim Destani po realizon xhirimet e filmit “The Poison Rose” në krah me aktorët legjendarë John Travollta dhe Morgan Freeman. Ky film ka filluar xhirimet që nga maji i këtij viti në Savannah të Georgia nën regjinë e George Gallo dhe skenar të bazuar në novelën e Richard Salvatore.
Blerimi në këtë film luan karakterin e Lorenzo Rodriquez, emri i karakterit që ai luan ashtu si edhe fotografitë nga xhirimet na shoqërojnë në një djalosh meksikan me një stil karakteristik.

Filmi është në stilin e dramave detektive të tipit “Chinatown,” “L.A. Confidential,” apo “The Long Goodbye” dhe flet për një ish yll futbolli, të cilit i bëhet pikë e dobët një vajzë e cila është në telashe. Ashtu si në filmat klasik, ai përfundon në një rrjet kompleks krimesh. Kur ai zbulon se vajza në fakt është e bija e tij e humbur prej shumë kohësh, niset që ta shpëtojë atë dhe rrugës në shpëtimin e saj zbulon shumë sekrete të pista të qytetit.

/VOX albaniae.com – B.Rexhepi – B.Rexhepi/