Cardi B zbulon se është martuar në fshehtësi 9 muaj më parë

Cardi B ka konfirmuar se është martuar në fshehtësi 9 muaj më parë. Reperja zbuloi se lidhi nyjë në të njëjtën ditë kur i dashuri i saj Offset i propozoi.

Ajo shkruan në Twitter: “Ka kaq shumë momente që unë ndaj me botën dhe ka kaq shumë momente që dua ti mbaj për veten. Martesa ishte një nga ato momente.”

Çifti presin fëmijën e tyre të parë këtë verë. TMZ ishte i pari që raportoi për martesën duke publikuar dhe një kopje të certifikatës së dasmës të hënën.

Dhe repistja ishte e inatosur nga publikimi i lajmit: “Kjo është arsyeja pse ia kam vendosur titullin ‘Invasion of Privacy’ albumit tim, sepse njerëzit do të bëjnë çdo gjë për të marrë informacione për jetën tënde.”

Megjithatë, 25-vjeçarja shpjegoi edhe arsyen pse e mbajti të fshehtë martesën.

“Lidhja jonë ishte e re, me ndarje dhe ribashkime, dhe ne kishim shumë për të bërë për marrëdhënien tonë por ishim shumë të dashuruar dhe nuk donim ta humbnim njëri-tjetrin,”-shkruan ajo. ” Një mëngjes në shtator, u zgjova dhe vendosëm të martoheshim. Gjetëm dikë që të na martonte. Ishim vetëm ne të dy dhe kushëriri im. Unë i thashë që pranoj, pa fustan nusërie, pa make up dhe pa unazë.”

Çuditërisht, një muaj më vonë, Offset i propozoi Cardi B në skenë gjatë një koncerti në Filadelfia.

Në lidhje me propozimin për martesë ajo shkruajti: “Unë e vlerësoj dhe e dua shumë bashkëshortin tim që më bëri të përjetoja atë moment që çdo vajzë ëndërron.”