Chloe Kohanski fituese e “The Voice”

Chloe Kohanski, është shpallur fituese e shout muzikorë, “The Voice”, duke triumfuar në natën finale e cila u karakterizua me moment të shumta emocionuese dhe performance të yjeve të shumtë të industrisë së muzikës.

Kështu, Chloe, dhe mentori i saj Blake Sheldon, e fituan trofeun e sivjetmë të këtij shou që është ndër më të shikuarit në Amerikë dhe transmetohet në kanalin FOX.

Kohanski, fillimisht ishte pjesë e grupit të Miley Cyrus-it, e cila edhe pse në fillim e kishte bërë të pamundurën që ta bind Chloe-in ta zgjedhë atë si mentore të saj, e kishte eliminuar këngëtaren në fazën e tretë të garës. Por Blake, i cili ishte fascinuar me zërin e veçantë të Chloe-it që nga fillimi, nuk ka mundur ta lërë atë të largohet nga shpu, dhe kështu e ka futur në grupin e tij, transmeton emisioni Express në KTV.

Dhe duket se ka vepruar mirë. Sepse Kohanski me stilin e saj të veçantë të këndimit, ia solli fitoren Blake-ut dhe e bëri publikun për vete me performancat e ndryshme në skenë. E veçanta e Chloe-it është se zëri i saj është pak i shtirur dhe të ngjall nostalgji për muzikën e viteve të 80-të.

Nata finale e këtij emisioni i karakterizua edhe me performancat e antarëve të jurisë së “The Voice” si dhe këngëtarëve të ftuar si mysafir, të tillë si Kelly Clarkson dhe Bebe Rexha.