Çmimet “Grammy” dominohen nga femrat

Artistet femra kanë dominuar nominimet e edicionit të 62 të çmimeve Grammy. Kryeson listën Lizzo me 8 nominime. E panjohur për publikun deri një vit më parë, këngëtarja karizmatike e rrymës Pop dhe R&B garon për këngën, albumin dhe artistja e re më e mirë e vitit. Kantautorja Billie Eilish sfidon me 6 nominime, duke hyrë në histori si 17-vjeçarja e parë që kandidon për 4 kategori kryesore. Ariana Grande dhe Lana del Rey garojnë për albumin më të mirë të vitit, respektivisht me Thank U Next dhe Norman Rockwell. Reperi 20-vjeçar Lil Nas X është nominuar në 6 kategori, me ”Old Town Road”, i cila qëndroi në krye të klasifikimeve amerikane për 19 javë rresht. Ceremonia do të mbahet më 26 Janar dhe do të prezantohet sërish nga Alicia Keys.