“Dilara” dhe bashkëshorti shqiptar bëhen prindër për herë të parë

Aktorja e njohur turke, Ebru Özkan e cila te ne njihet si ‘Dilara’ nga seriali “Fate të Kryqëzuara” është bërë nënë për herë të parë.

Ajo dhe bashkëshorti i saj, aktori i njohur shqiptar Ertan Shabani, tashmë kanë marrë epitetin prindër dhe martesa e tyre është bekuar me një vajzë të cilën e kanë pagëzuar me emrin “Biricik”.

Lajmin e ka bërë të ditur Ebru përmes një postimi në rrjetin social Instagram, duke zbuluar se vajza e tyre erdhi në jetë të premten. Ndryshe, kujtojmë se Ebru dhe Ertani kanë kurorëzuar dashurinë me martesë në vitin 2016.