Dua Lipa shpjegon vështirësitë e të jetuarit vetëm

Këngëtarja e njohur shqiptare Dua Lipa thotë se të jetuarit pa prindër nga mosha 15-vjeçare e ka bërë atë më të pjekur. Dua Lipa u lind në Londër, por në moshën 11-vjeçare është kthyer në Kosovë, vendlindjen e prindërve. Ajo katër vjet më pas vendosi të kthehej në Britani të Madhe me lejen e prindërve për të jetuar me një vajzë tjetër më të madhe nga Kosova. “Ishte një vajzë më e madhe se unë nga Kosova që vinte në Londër në të njëjtën kohë dhe prindërit e mi i njihnin prindërit e saj, andaj i thanë a mund të jetoja me të. Ishte si një mbrojtëse”, ka thënë ajo, raporton NME. Edhe pse nuk shkoi gjithçka siç ishte planifikuar, 21-vjeçarja thotë se ka mësuar shumë gjëra në jetë, të cilat njerëzit mund t’i mësojnë vetëm gjatë studimeve apo më vonë. “Gatimi dhe pastrimi… ishin të vështira. Mendoj, duke e ditur se askush nuk do të pastronte ishte shumë e vështirë. Por këto gjëra më bënë të piqem më herët. Më ndihmoi të piqem më herët dhe më bëri kjo që jam sot. Jam shumë falenderuese, por e mbaj mend se ishte vështirë. Nëna më vizitonte dhe kur hapte dollapin më pyeste, “çfarë janë gjithë këto rroba?”.