E ftuar në studio, befason Diana në këtë Prime: U penalizova për lidhjen me Arionin

E rikthyer këtë mbrëmje në studio, Diana është shprehur se ia ka parë hajrin pjesëmarrjes në ”Big Brother Kosova Vip 3”. Ajo theksoi se i mbet peng largimi i hershëm nga shtëpia, ani pse sipas saj ka marrë shumë dashuri jashtë nga publiku.

Diana po ashtu deklaroi se mendon që atë e ka penalizuar edhe lidhja me Arionin brenda lojës. ”Natyrisht që më ka mbet pikë në zemër që nuk e vazhdova lojën, se vërtetë e kam parë vetën që shkoj larg aty brenda, u penalizova shumë edhe për lojën meqë u lidha me Arionin”, u shpreh Diana.

”Nëse do futesha prap e di që do e bëja lojën më shumë vetëm, se në lidhje”, tha ndër të ajo. Diana sqaroi se motra saj dhe familja nuk kanë ndikuar në daljen e saj jashtë Big-ut.