E vërteta e fotos së famshme e Adrola Dushit me Capital T

Adrola Dushi dhe Capital T duket se kanë zgjedhur të mos komentojnë romancën e përfolur së fundmi, nisur nga një foto në Instagram. Siç mund ta keni lexuar, burime për Anabel.al bënë me dije se Capital T ishte i pranishëm në festën e ditëlindjes së Adrolës. Burimi nuk u shpreh se bëhej fjalë për një romancë, megjithatë duhet thënë se fakti që modelja nuk postoi asnjë foto me reperin, siç bëri me të gjithë të pranishmit e tjerë, ishte i dyshimtë. Sidoqoftë, ja një foto e siguruar së fundmi, ku duket Capital T i pranishëm në festë.

Pavarësisht detajeve që lënë vend për dyshim, burime të sigurta për Anabel.al bëjnë me dije se Adrola dhe Capitali nuk janë në një lidhje. Fotoja e tyre duket se është postuar me qëllim që të “trazojnë pak ujërat”, sepse po i njëjti burim thekson se “bëhet fjalë për një klip të ardhshëm”.

Kujtojmë se Capital T ka qenë aktiv në muzikë kohëve të fundit, me publikimin e albumit “Skulpturë” dhe disa videoklipe, si “DMP”, në bashkëpunim me Ledri Vulën dhe “Flawless”. Ndërkohë nga ana tjetër, Adrola ka marrë pjesë në videoklipin e Eugent Bushpepës.

Asokohe, ajo tha “Ju nuk më keni parë në asnjë videoklip dhe ndoshta nuk do të më shihni më asnjëherë, por këtij djalit, ose më saktë, këtyre djemve nuk u thoja dot jo”. Modelja e kishte fjalën për Bushpepën dhe Renuar Locajn (që u kujdes për realizimin e videos), të dy nga Rrësheni, qyteti ku ka lindur Adrola.