Ed Sheeran pezullon martesën derisa të ndërtohet kisha e tij personale

Në periudhën e Krishtlindjes këngëtari i famshëm britanik njoftoi zyrtarisht fejesën me partneren e tij Cherry Seaborn.

Edhe pse pak ditë më parë ata kanë shkëmbyer unazat e martesës, një ceremoni ende nuk është mbajtur për të kremtuar lidhjen e tyre dhe kjo për një arsye shumë të fortë.

Ed dëshiron të martohet në kishën e tij personale dhe meqënëse nuk mund ta blejë një tillë siç blihen shtëpitë apo makinat, ai ka vendosur të ndërtojë një, pranë shtëpisë së tij në Londër.

Prestigjosia “Times” ka shkruar se këngëtari ka nënshkruar një kontratë për ndërtimin e kishës së tij personale në një nga pronat e tij në Londër.

Kisha do të ketë stilin Sakson, do të mbajë deri në 24 persona dhe është projektuar nga arkitektët që kanë punuar me kështjellën “Windsor” dhe “Somerset House”. Ajo do të jetë vetëm pak metra larg shtëpisë së tij në Suffolk dhe derisa kisha të ndërtohet, martesa e çiftit do të mbetet pezull.