Elvana nostalgjike, i kthehet 2013-ës, ja çfarë kujton!
Siç e ka thënë edhe vetë në një nga baladat e saj më të ndjera, “Gjërat kanë ndryshuar” për Elvana Gjatën duke qenë gjithnjë në punë e sipër për të arritur më lart në karrierën e saj.
Kjo verë ka qenë e mbarë për artisten e njohur. Dy këngët e saj, “Fustani” bashkëpunim me Capital T dhe “Meine Liebe” me Ardian Bujupin klasifikohen në hitet e këtij sezoni ndërkohë që këngëtarja është e zënë çdo ditë me koncerte.
Mbrëmjen e djeshme, duket se Elvana është bërë nostalgjike dhe ka kërkuar postimet e viteve më parë në Instagram, ku duket se në njërën prej tyre, ndonëse 6 vite më vonë, ka gjetur sërish veten.
“Si në 2013 edhe sot në 2019, njësoj dhe përgjithmonë kështu do të jetë” – ka shkruar këngëtarja teksa na rikujton edhe një herë se sa shumë vlerë ka për të familja.
