Emina feston datëlindjen, ja surprizat e bashkëshortit miliardier

Modelja shqiptare Emina Çunmulaj ka festuar dje datëlindjen e 34. Me rastin e ditëlindjes, bashkëshorti i saj, Sam Nazarian ka vendosur që ata të kalojnë një ditë e natë romantike, pa dy vajzat e tyre të vogla.

Emina është gjatë gjithë kohës me të bijat, e befasia që i ka përgatitur bashkëshorti me siguri se i ka ardhur si dhurata më e mirë që mund të merrte për ditën e lindjes.

Ajo ka publikuar për fansat gjithë udhëtimin dhe pjesët më të rëndësishme të ditës, kurse në disa video shihet se si Sam i ka përgatitur ambientin perfekt, për të cilin Emina nuk ia ka pasur idenë.

E sigurisht, supermodelja shqiptare nuk e ka lënë as në këtë ditë të rëndësishme pa shtuar detaje të prejardhjes së saj, pasi Emina ka vendosur të shoqërohet me këngë nga artistët shqiptarë.