Ermali Fejzullahu urim të veçantë për ditëlindjen e të atit (Foto)

Këngëtari i njohur shqiptar, Sabri Fejzullahu, feston sot ditëlindjen e tij të 73-të. Me këtë rast, ai ka marrë urime të shumta nga miqtë, kolegët dhe familjarët e tij.

Mes urimeve të shumta për të nga kolegët, miqtë e fansat, më i veçanti ishte ai i djalit të tij, Ermal Fejzullahut. Duke e quajtur “i pazëvendësueshmi i shqiptarisë”, këngëtari u shpreh se sa më e gjatë jeta e të atit, aq më e bukur është jeta e tij.

“Urime ditëlindjen i pazëvendësueshmi i Shqiptarisë. I bëfsh edhe 100 bashkë me buzëqeshjen tënde dhe zemrën e bardhë e të mirë që ke. Je krenaria jonë. Sa më gjatë jeta jote, aq më e bukur jeta imë. Të duam shumë unë dhe padyshim edhe krejt shqiptarët kudo që janë,”- shkroi ai, ndërsa postimin e shoqëroi me një foto të legjendës së muzikës shqiptare.