Festivali i Këngës, Mahmood ka suprizë speciale

Festivali i 58-të i këngës në RTSH, këtë vit ndryshe nga herët e kaluara do të prezantohet nga moderatorja e njohur Alketa Vejsiu dhe regjizore do të jetë Vera Grabocka. Tashmë puna dhe provat për festivalin kanë nisur, ndërsa nga Alketa u zbulua se këtë vit në festival do të performojnë edhe tre emra të njohur me famë botërore si: Giusy Ferreri, Eleni Foureira dhe Mahmood. Për këngëtarin italian, Mahmood, RTSH ka sqaruar se ai do të sjellë surpriza speciale që në natën e parë të festivalit. Mësohet se Mahmood do të performojë për publikun një kolazh me hitet e tij të fundit. Më e rëndësishmja është fakti që ai do të këndojë për herë të parë në një skenë shqiptare.