Fevziu zbulon sekretin për dashurinë e parë

Në çdo dalje të tij televizive jashtë studios së “Opinion” Blendi Fevziu krijon një kimi speciale me publikun falë mënyrës sesi i rrëfen përvojat e tij. I ftuar në emisionin “Pushime on top” gazetari i pasur ka folur për pasionin e tij për zhytjen, por edhe për një detaj mjaft interesant siç është dashuria e parë, e cila mesa duket nuk ka qenë bashkëshortja e tij.

“Nuk ka qenë bashkëshortja ime dashuria e parë. Kam dashuruar në vit të dytë në gjimnaz, ndoshta dhe më përpara, por atë e mbaj mend”, ka treguar me sinqeritet gazetari pasanik. Fevziu gjithashtu ka ndarë me shikuesit edhe një shifër mjaft interesante që ka të bëjë me pasionin e tij më të madh, udhëtimet.

“Kam udhëtuar në 102 vende të botes. Kam mbresa te pashlyeshme nga këto udhëtime. Janë eksperienca të jashtëzakonshme”, ka thënë Fevziu.