Fituesi i çmimit Oscar akuzohet për ngacmime seksuale

Edhe dy femra kanë ngritur akuza për ngacmim seksual nga aktori amerikan Dustin Hoffman.

Këtë javë listës i është bashkuar një shoqe e klasës së motrës së tij Cori Thomas.

Ajo tregon se në moshën 16-vjeçare ai e ka ftuar për darkë së bashku më motrën e tij dhe pasi e motra e tij është larguar, ai është përgatitur për të bërë një dush dhe është paraqitur nudo para saj.

Akuza e dytë vjen nga një femër tjetër, Melissa Kester, e cila ka treguar se në sallën e regjistrimit aktori i ka marrë dorën dhe ia ka vendosur në pantallonat e tij.

Hoffman, fitues i çmimit Oscar, është akuzuar një javë më parë nga aktorja Anna Graham Hunter për ngacmim seksual kur ajo ishte 17 vjeç.