Fjalimi që e bën Oprah Winfrey presidente në vitin 2020

Prezantuesja e famshme Oprah Winfrey po konsideron mundësinë që të kandidojë për presidente të SHBA-së në vitin 2020. Thashethemet për hyrjen në politikë të sipërmarrëses u përhapën pas fjalimit të saj ditën e djeshme në ceremoninë e “Golden Globes” ku foli për çështjet gjinore dhe të diskriminimit racor.

Pak minuta pas fjalimit të 63-vjeçares multimiliardere rrjetet sociale u mbushën me hashtagun #Oprah2020 që u shpërnda jo vetëm nga fansa të saj, por edhe nga shumë personazhe publike.

Vetë Oprah nuk ka pranuar se ka në plan të kandidojë për presidente, partneri i saj Stedman Graham tha për gazetën “LA Times” se ajo do e bëntë diçka të tillë për njerëzit, nëse do të mendonte se ka mbështetjen e duhur. Një tjetër indikator që tregon se ajo mund të kandidojë është se në fjalimin e saj premtoi “fillimin e një dite të re për gratë në Amerikë” në një ton fushate.