FOTO/ Nesër funerali i mbretëreshës Elizabeth II, Biden mbërrin në Britani. Princ Harry me uniformë ushtarake
Pasi humbi jetën paqësisht më 8 shtator, nesër do të mbahet funerali i Mbretëreshës Elizabeth II, ndërsa udhëheqësit botërorë po mbërrijnë në Londër.
Në funeral pritet të marrin pjesë rreth 500 krerë shtetesh dhe personalitete të huaj. Gjatë natës ka mbërritur në Britaninë e Madhe edhe presidenti i Shteteve të Bashkuara të Amerikës, Joe Biden.
Me kërkesë të mbretit, të dy princat William dhe Harry veshën uniformën ushtarake. Arkivoli ndodhet në Pallatin Westminster, ku do të qëndrojë deri në mëngjesin e funeralit, të hënën e 19 shtatorit.
