Furtunë komentesh në X për bllokimin e Instagram dhe Facebook. Postimi t*llës nga Elon Musk

Instagram dhe Facebook nuk ishin të aksesueshëm normalisht për më shumë se dy orë dhe rrjeti shpërtheu në X/Twitter. Problematika e ndodhur këtë të martë, u raportua në të gjithë botën me përdorues që u shprehën edhe se profilet u ishin bërë Log out (shkyçur).

Punonjës të Meta kanë dalë në deklaratë për të kërkuar ndjesë për problemin dhe deklaruan se e zgjidhën sa më shpejt mundën, siç tashmë ka ndodhur. Por kjo nuk i ndaloi njerëzit të hyjnë në X për të bërë meme ose batuta me themeluesin e platfomrave, Zuckenberg.

Sigurisht nuk mungoi as reagimi tallës i Elon Musk, i cili e shfrytësoi mundësinë për të vënë në dukje edhe njëherë rivalitetin mes platformave. “Nëse po e lexon këtë post, serverat tanë po punojnë”, shkroi ai duke nënkuptuar problematikën e Meta.

If you’re reading this post, it’s because our servers are working

— Elon Musk (@elonmusk) March 5, 2024