Gazetarja Eriona Rusi: Turp i madh, burri braktis nusen ditën e dasmës sepse nuk ishte e virgjër

Këtë të shtunë në “Mos i fol Shoferit “ në RTV Ora ka qenë e ftuar gazetarja dhe feministja e mirënjohur Eriona Rusi, ku ka dhënë një mesazh shumë të fortë për të gjitha vajzat Shqiptare .

Gjatë intervistës Dembacaj e ka pyetur për historitë që i vijnë në revistën e saj .

“Më shkruajnë kryesisht nga rrethet, jo më larg se dy ditë para publikova një shkrim tjetër në revistën time , ishte një djalë nga Shëngjergj , që Shëngjergji nuk besoj se është shumë larg me Tiranën , më tregoi që një nuse ishte braktisur dhe ishte nxjerrë jashtë nga shtëpia që ditën e parë të martesës sepse nuk ishte e virgjër, realiteti i Shqiptarisë nuk është blloku. Është turp i madh”.

“Ato që shkruajnë janë vajza në kushte të vështira ekonomike janë vajza që ndonjëherë denigrohen psh. më shkruan një vajzë që tregon sesi tezja e saj i thoshte asaj ty nuk ka për të të marrë njeri, sepse ajo kishte një situatë të vështirë në familje. Këtë doja t’ju thoja vajzave që “Po po nuk ka për t’ju marrë njeri se nuk jeni një plaçkë, as një valixhe as një çantë që t’ju marri dikush , ju do merrni dikë , ju do zgjidhni dhe do ju përzgjedhin ”, shprehet Eriona.