Gratë në politikë janë kukulla ”Barbi”, marjoneta në duart e kryetarëve

E ftuar në programin veror “Pushime on Top”, Lajla Pernaska, deputete për dy legjislatura në Kuvendin e Shqipërisë, teksa u pyet mbi rolin e gruas në shoqëri ish-politikania, nuk u kursye në gjykimin e saj mbi gratë që përfaqësojnë sot politikën, duke nënvizuar se ato janë stili “Barbie dolls”.

“Në gjykimin tim sot është rritur nr i përfaqësimit të grave, por ka rënë cilësia dhe kjo jo për mungesë të kapacitetit të tyre, por mendoj se kanë krijuar këtë lloj deformimi vetë kryetarët e partive. Të cilët kanë krijuar një model femëror, që nuk përputhet me kapacitetin që kanë sot gratë, është një model jo-përfaqësues një model i preferuar nga kryetarët e partive për femrat marjoneta në një term quhen edhe “barbie dolls” dhe që janë tejet larg modelit real të femrës shqiptare”.