Harry dhe Meghan do të martohen në 19 maj

Princi Harry dhe e fejuara e tij Meghan Markle do të martohen në 19 maj në Kështjellën e Windsor.

Lajmërimi zyrtar u dha nga Kensington Palace. Detajet e ceremonisë , që do të mbahen në St George’s Chapel në Windsor – e njëjta në të cilën në 2008 u martua Peter Phillips, kushëriri i Harry dhe djali i princeshës Anna dhe në 2005 u bekua lidhja e Carlo dhe Camilla , ishin tashmë të gjitha të njohura.

Mungonte vetëm dita e saktë e martesës , që do të bëhet në 19 maj, që i takon e shtunë. Është parashikuar që familja mbretërore të paguajë të gjitha shpenzimet e dasmës, përfshirë lulet, muzikën dhe pritjen. Gjithashtu është konfirmuar që nusja e ardhshme, protestante, do të pagëzohet para martesës fetare.

Meghan me origjinë afroamerikane hoqi dorë nga karriera. Ajo ka lënë pas një divorc, ndërsa ka një diferencë modeste në moshë me Harry: 36 vjeç kundër 33, me djalin e dytë të Carlo dhe Dianës.

Siç nënvizon Sky News, kjo pranverë do të jetë e mbushur me momente të rëndësishme për mbretërinë. Përveç dasmës së Harry dhe Meghan është në ardhje edhe fëmija i tretë i William dhe Kate, lindja e të cilit pritet të jetë në prill.