Jay-Z bashkëpunim edhe me një tjetër shqiptar?

Nëse na keni lexuar që prej fillimit, kemi paralajmëruar se brezi i ri i shqiptareve në SHBA do të bëjë boom! Ja ku jemi tani me emra të tillë si; Rita Ora, Action Bronson, G4SHI, JMSN,Bebe Rexha etj., të cilët janë të njohur në skenën muzikore amerikane dhe të respektuar. Të gjithë me kontrata diskografike e këngë ne radio e televizione muzikore. Kësaj liste së shpejti do t’i shtohet dhe Stanaj, i cili ka një zë të jashtëzakonshëm dhe qe rikthen në muzike një tingull soul të venitur prej kohësh në skenën amerikane. Në Instagramin e tij, Stanaj ka postuar një foto përkrah Jay-Z, shoqëruar me titullin "2015. Veç jini gati…"! E teksa kjo foto mund të ketë 101 kuptime, ne shpresojmë se Jay-Z po i ofron Stanaj për të nënshkruar kontratë me Roc Nation! Të paktën kështu flitet. Në listën e artistëve të kompanisë ende nuk është shtuar emri i tij, por në jemi në vëzhgim. Nëse kjo ndodh, Stanaj do të jetë shqiptari i dytë që nënshkruan me Roc Nation pas Rita Orës.