Jeta si kanadezë për Harry-n dhe Meghan-in

Duka dhe Dukesha e Sussex kohët e fundit njoftuan se ata do të tërhiqeshin në detyrat e tyre mbretërore. BBC i është përgjigjur pyetjeve të qytetarëve në lidhje me princ Harryn dhe Meghan Markle, bazuar në rregullat e shtetit të Kanadasë.

Pyetja e parë: “Nëse Princi Harry dhe Meghan do të vendosin të jetojnë gjithmonë në Kanada, a do të paguajnë ata taksa?”

Duka dhe dukesha kanë thënë se nuk kanë privilegj të veçantë tatimor, prandaj do të zbatohen rregullat e  zakonshme. Nuk është e qartë se sa kohë princi Harry dhe Meghan synojnë të kalojnë në Kanada. Por nëse ata kërkojnë qëndrim të përhershëm atje, ose ata kalojnë 183 ditë në një vit tatimor në vend, atëherë Kanadaja do t’i konsiderojë ata banorë me detyrime tatimore. Edhe nëse ata kalojnë më pak kohë jashtë vendit, Meghan mund të vazhdojë të përmbushë kërkesat për nënshtetësinë britanike dhe do të pritet të paguajnë taksë për çdo të ardhur që ata fitojnë nga puna në Kanada.

Pyetja e dytë: “Si ndihen kanadezët për monarkinë?”

Mbretëresha është kreu i shtetit të Kanadasë. Sondazhet e fundit kanë gjetur që Kanadezët të përkuleshin drejt ndërprerjes së lidhjeve me monarkinë, por disa mbretërorë individualë ende shihen mjaft të favorshëm. Një sondazh prej 1 mijë personash vitin e kaluar nga “Research Co” sugjeroi se 33% donin një kryetar shteti të zgjedhur, ndërsa 31% donin të mbanin monarkinë. Ndjenja republikane është më e zakonshme në “Quebec”, që flet frëngjisht, ku 53% thanë se donin një republikë. Por vetë Princi Harry ka një vlerësim prej 70% në Kanada, ndërsa për Meghan vlerësimi është 60%.

Pyetja e tretë: “Nëse heqin titujt e tyre mbretërorë, a mund t’i rimarrin ato një ditë?”

Princi Harry u bë Dukë i Sussex dhe Meghan u bë Dukesha e Sussex, kur ata u martuan në maj të vitit 2018. Nëse titujt e tyre do të binin, atëherë Princi Harry do të mbetej një princ dhe vetëm mbretëresha do mund t’i rivendoste një titull të ri.

Pyetja e katërt: “Si mund të bëhet e njohur marka e tyre personale “Sussex Royal”.

Princi Harry dhe Meghan aplikuan në qershor të vitit 2019 për të markuar “Sussex Royal” në Mbretërinë e Bashkuar, për artikuj përfshirë libra, veshje, mbledhje fondesh për bamirësi, arsim dhe shërbime të kujdesit shoqëror. Aplikimi i tyre u publikua në dhjetor të vitit 2019. Nëse askush nuk kundërshton, marka tregtare mund të regjistrohet që në shkurt të vitit 2020. Ata gjithashtu thuhet se po kërkojnë të regjistrojnë markën si globale që mbulon një gamë të gjerë të mallrave dhe shërbimeve, përfshirë veshje, shkrimi dhe grupe me ‘mbështetje emocionale’.

Pyetja e pestë: “A kanë Duka dhe Dukesha e Sussex një të drejtë për të banuar në Kanada?”

Çifti i kaloi Krishtlindjet në Kanada dhe Meghan kohët e fundit u kthye në vend me djalin e saj tetë muajsh, Archie. Si një britanik, princi ka të drejtë të kalojë deri në gjashtë muaj në vit si vizitor në Kanada, nëse ai dëshiron të rrijë më gjatë, duhet të aplikojë për vizë. Si një qytetare amerikane, të njëjtat rregulla vlejnë edhe për gruan e tij.