Jolie vendos t’i sakrifikojë pushimet për fëmijët

Përkundër faktit se marrëdhënia mes Angelina Jolie dhe Brad Pitt nuk është akoma më e harmonishme, aktorja ishte akoma e gatshme të qëndronte në Los Angeles vetëm gjatë pushimeve, në mënyrë që gjashtë fëmijët e tyre të mund të kalonin kohën me babanë.

Duket sikur edhe pse ish-çifti është akoma i përfshirë në betejat ligjore, ata në të vërtetë po punojnë për të qenë prindër më të mirë.

Fansat e Jolie dinë shumë mirë se sa i pëlqen asaj të udhëtojë dhe t’i marrë së bashku fëmijët. Sidoqoftë, këtë vit ajo vendosi në mënyrë specifike të qëndronte në shtëpi, në mënyrë që Brad të mund t’i shihte fëmijët gjatë pushimeve.

Një burim i HollywoodLife ka thënë se “Angelina mendon se është e rëndësishme që fëmijët ta shohin babanë e tyre për Krishtlindje, kështu që ajo është siguruar që të jetë në L.A për pushimet.

“Ata do të ndajnë kohën me fëmijët në mënyrë të barabartë gjatë Krishtlindjeve, kjo është se si e bënë atë vitin e kaluar dhe këtë vit nuk do të jetë më ndryshe”, ka shtuar burimi.