Jona Fonda: Mendoja se do të kishim një presidente femër

Jane Fonda një aktore amerikane, shkrimtare, modele dhe aktiviste festoi këtë të shtunë ditëlindjen e saj të 80-të në një event të titulluar ‘Eight Decades of Jane’, në lagjen Buckhead në Atlanta. Në këtë ngjarje u nderua e gjithë veprimtaria e aktores dhe po ashtu u mblodhën rreth 1 milion dollarë të cilat do të shkojnë në përmirësimin e përgjithshëm të shëndetit dhe mirëqenies së të rinjve në Gjeorgji. Aktorja, e cila ka shpenzuar më shumë se pesë dekada duke bërë fushatë për shkaqe të ndryshme, tha se ajo është ‘krejtësisht e tmerruar’ të mendojë se ‘liritë tona, demokracia jonë do të ishte ndonjëherë kaq në rrezik siç është sot’. Fituesja e Oskarit i tha Vanity Fair: “Mendoja se do të kishim një presidente femër në ditëlindjen time të 80-të”. Fondacioni Fonda me këtë event i parapriu ditëlindjes së saj më 21 Dhjetor, duke mbledhur në këtë ngjarje rreth 228 mysafirë, përfshirë themeluesin e CNN dhe ish-bashkëshortin e saj, Ted Turner, djalin e saj Troy Garity dhe producentin Paula Weinstein. James Taylor dhe Carole King interpretuan disa këngë duke përfshirë “So Far Away” dhe “You’ve Got A Friend”.