Ju prezantojmë me të parin film në historinë e kinemasë, që përmban një skenë të plotë erotike!

Skenat e seksit në kinematografi sa vijnë e bëhen edhe më të zakonshme, edhe pse nuk mund të themi se mbetemi indiferentë ndaj këtyre zgjedhjeve regjisoriale. Duke nisur nga vështirësitë e aktorëve gjatë xhirimit, e deri tek impakti me publikun, një ‘lojë’ e tillë ka bërë që edhe filma tejet komercialë e pa vlera të mirëfillta artistike, si ‘Fifty Shades’ të shndërrohen në qendrën e vëmendjes së audiencës. Nëse flasim për nuditet, fillimet në kinematografi janë disi më të hershme, por cili është i pari film që përmban një skenë të plotë seksi?

Siç dhe mund ta imagjinoni, nuk është Amerika vendi i burimit të një arti të tillë. Më 1933, regjisori çek Gustav Machaty realizoi filmin ‘Ecstasy’, protagoniste e së cilit ishte vetë Hedy Lamarr. Kjo e fundit, jo vetëm që u konsiderua si skandaloze për kohën, për shkak të një skene tejet të gjatë ku shfaqet krejtësisht nudo, por tronditi kritikët dhe publikun e gjerë kur u shfaq në një skenë erotike. Si për të mos mjaftuar kjo, gjatë intepretimit u detyrua të luante edhe orgazmën, një nga elementët më të vështirë që aktorët përballen edhe sot. Vetë skena e seksit nuk përmban nuditet, megjithatë ‘Ecstasy’ konsiderohet si i pari film që shpërfaq erotizëm të pastër.

Amerika nuk ishte aspak gati të përballej me lëvizje të kësaj natyre, e kujtojmë se shumë më vonë pamë diçka më tepër nga Hollywood-i. Duke menduar për 1933-shin, mund të themi me bindje se Machaty ka patur vërtetë guxim!