Kate i kthen dhuratën, Kim përpiqet të joshë Meghan me diamante

Kim Kardashian duket se do të krijojë marrëdhënie të mira me Meghan Markle, sepse po i paraprin me një dhuratë të kushtueshme me rastin e fejesës. Sipas “Ok!”, ajo ka porositur vëthë diamanti të dizenjuar posaçërisht për Meghan Markle-in. Po sipas kësaj reviste, Kim është përpjekur t’ia gjejë anën aktores përmes miqve në Hollywood, që t’ia prezantojnë Meghan-in. Sipas një njeriu të afërt me Kim-in, ajo po e bën gjithë këtë sepse do të krijojë ura komunikimi me të fejuarën e princit Harry, 5 vite pasi Dukesha e Cambridge-it, Kate Middleton-i, i ktheu mbrapsht dhuratën që ajo i kishte bërë: një garderobë me veshje të linjës Kardashian. Në 2012-ën, Kim Kardashian i dërgoi këtë dhuratë gruas së princit William në shenjë dashamirësie, por Kate tregoi hapur injorimin e saj duke ia kthyer të gjitha veshjet, siç ia kishte sjellë.