Këngëtari dhe kitaristi i famshëm shkelmon fotografen gjatë koncertit (VIDEO)

Kitaristi dhe këngëtari i bendit Queens Of The Stone Age, Josh Homme, ka kërkuar ndjesë për goditjen në kokë të një fotografeje gjatë një koncerti në Los Anxhelos. Fotografja Chelsea Lauren postoi një video në mediat sociale, që tregon Homme teksa e godet me këmbë në kokë afër skenës gjatë mbrëmjes së të shtunës. Në një deklaratë, Homme kërkoi falje dhe tha se kurrë nuk do të dëmtonte dikë. Zonja Lauren e përshkroi incidentin “padyshim shumë të qëllimshëm” në revistën Variety. “E pashë atë që po vinte dhe isha duke u larguar”, tha ajo. “Ai shikoi drejt meje, zgjati këmbën e tij dhe më goditi në fytyrë”. Ajo thotë se do të paraqesë një raport në polici. Zonja Lauren postoi një përditësim të Instagram së bashku me dy fotografi që kishte marrë pas incidentit. Ajo tha se vetulla e saj kishte plagë dhe qafa e saj ishte e lënduar. “Nuk fajësoj askënd tjetër për këtë, përveçse Josh”, shtoi ajo. Homme, 44 vjeç, lëshoi një apologji përmes llogarisë Twitter të Queens of the Stone Age. Ai tha se ishte “në një gjendje të përhumbur në shfaqje”.

https://www.instagram.com/p/Bcg3ffCjXBw/