Këngëtari shqiptar do të bëhet baba, zbulon gjininë e fëmijës

Këngëtari i grupit NRG Band, Besnik Qaka ishte një prej VIP-ave, që mes shumë të tjerësh u martuan këtë verë. Pas dasmës me Lolitën, çifti njoftoi se ishte në pritje për t’u bërë prindër.

Nuk ka vonuar momenti kur këngëtari do të zbulonte gjininë e foshnjes, duke treguar se bashkëshortja do sjellë në jetë një vajzë.

Në një intervistë për Mirage, ai tha: “Lolita është 5 muajshe shtatzënë, por presim një cikë bukuroshe. Është ndjenjë e papërshkrueshme, nuk e kisha përjetuar kurrë këtë ndjenjë. Mezi po presim.”

Kur u pyet për emrin, Besniku nuk zbuloi asgjë, pasi nuk kanë vendosur ende.