Këngëtarja jonë e preferuar është zhdukur sepse është shtatzënë? (FOTO)

Kështu të paktën raporton website-i “Hollywood Life”, duke pretenduar se këngëtarja e famshme Beyonce është në pritje të fëmijës së saj të dytë me bashkëshortin Jay-Z. Shkak për këto deklarata janë fotot e reja që Beyonce publikoi për promovimin e  linjës së saj të veshjeve, Ivy Park, të cilat u fshinë menjëherë nga website-i i saj.

Në njërën prej tyre, diva e muzikës shihet e veshur me një bluzë të ngushtë ngjyrë kaki, e cila i tregon atë që duket si një bark i rrumbullaksour.

Dhe sikur të mos mjaftonin fotot e dyshimta, “Hollywood Life” raporton se, si kurrë më parë, miqtë e çiftit të famshëm kanë heshtur teksa janë pyetur nëse lajmi i shtatzënisë është i vërtetë, ndryshe nga herët e tjera, kur e kanë mohuar menjëherë ose kanë qeshur me këtë.