Koronavirusi nuk kursen askënd. Qofshin ata politikanë, sportistë apo artistë

Politikanë, sportistë apo personazhe të biznesit të show-t, nuk janë inum ndaj koronavirusit. Disa kanë frikë, por tregohen të qetë, si Presidenti i Shteteve të Bashkuara Donald Trump, i cili në 7 Mars, së bashku me vajzën e tij Ivanka dhe dhëndrin Jared Kushner, pritën Presidentin Jair Bolsonaro dhe zëdhënësin e tij Fabio Wajngarten, ky i fundit rezultat pozitiv në Covid-19.

Nga sporti në kulturë

Në futbollin italian, është infektuar Daniele Rugani, mbrojtësi i Juventusit, futbollisti i parë i Serie A si dhe Manolo Gabbiadini, sulmuesi i Sampdorias. Njëri asimptomatik, tjetri me pak ethe. Koronavirus gjithashtu infektoi edhe basketbollistin francez Rudy Gobert, i kritikuar shumë për nënvlerësimin e tij ndaj epidemisë, deri në atë pikë sa duhet të kërkonte falje. Edhe kultura është plagosur gjithashtu teksa janë infektuar shkrimtari kilian Luis Sepulveda dhe aktori Tom Hanks, me gruan e tij Rita Wilson, të cilët janë në izolim pa simptoma

Edhe politika e infektuar

Në të gjithë botën, duket se politika numëron numrin më të madh të pacientëve të infektuar me Covid-19. Në Itali rezultojnë të prekur nga sëmundja kreu i PD, Nicola Zingaretti, deputetët Edmondo Cirielli, Claudio Pedrazzini dhe Alberto Cirio, presidentë të Lazio dhe Piemonte.

Ministrja e Shanseve të Barabarta Spanjolle, Irene Montero duket se ka kontraktuar virusin gjatë një marshimi më 8 Mars.

Të infektuar janë gjithashtu Pedro Iglesias, themeluesi i Podemos spanjolle, Ministri Francez i Kulturës Frank Riester dhe Ministri i Shëndetit në Mbretërinë e Bashkuar Nadine Dorries.

Ndër të famshmit në izolim është edhe Justin Trudeau, kryeministri i Kanadasë si dhe gruaja e tij, Sophie Gregorie e cila ka dalë pozitive.