Kryeministri në koverin e revistës për LGBT (FOTO)

Kryeministri kanadez, Justin Trudeau është kryeministri i parë kanadez që del në kopertinën e një reviste ndërkombëtare të komunitetit LGBT. Trudeau shfaqet në revistën Attitude, revista më e shitur dhe më e vlerësuar në çmime në Britani.

Kjo nuk është hera e parë që Trudeau tregon publikisht mbështetjen e tij për komunitetin LGBT. Në verën e vitit 2016, Trudeau u bë kryeministri i parë kanadez që marshoi në një paradë të Gay Pride në Toronto.

Ja si e argumentoi ai vetë daljen në kopertinën e revistës.

“Komuniteti LGBT është bërë emblematika e luftës për të drejtat e njeriut. Fakti që ka kaq shumë njerëz që ndiejnë se duhet të kenë turp, ose të fshehin identitetin e tyre për t’u përshtatur në shoqëri është një mësim për të gjithë q veprojnë e mendojnë kundër tyre”. Ndonëse është bërë përparim në luftën për të drejtat e LGBT, Trudeau thekson se ka ende shumë punë për të bërë në të ardhmen. Shfaqja e Trudeau vjen pasi Partia Liberale i kërkoi falje të përzemërt anëtarëve të komunitetit LGBT të cilët u trajtuan padrejtësisht nga qeveria kanadeze gjatë Luftës së Ftohtë. Falje kërkoi edhe vetë kryeministri në emër të tyre.