“Lufta” mes Stresit dhe Noizyt merr fund! Reperët falin njëri-tjetrin

I madh dhe i vogël e dinë marrëdhënien e Noizyt dhe Stresit. Prej vitesh diss-et e thumbimet që reperët i kanë bërë njëri-tjetrit janë të shumta.

Herë pas here djemtë e të dy grupeve kanë pasur edhe përplasje fizike me njëri-tjetrin, por ndonjëherë është mirë që gjërat t’ia lësh të shkuarës.

Epo ka ndodhur ajo që askush nuk e priste, Stresi dhe Noizy kanë bërë më në fund paqe dhe kanë falur njëri-tjetrin!

Në videot e tyre live në Instagram, Stresi ka vlerësuar për të disatën herë Noizy-n, ndërsa ky i fundit ka treguar më vonë se pasi ka biseduar me djemtë e tij, kanë vendosur ta falin Stresin.

Ky ishte edhe një mesazh i mirë nga dy repert për rininë shqiptare, duke qenë se janë shembuj që ndiqen në masë në vendin tonë.