Masakroi 25 herë me thikë mbesën e aktorit të njohur, droga shpall të pafajshëm vrasësin

Burri që vrau mbesën e aktorit të famshëm Morgan Freeman pasi e theri 25 herë me thikë para shumë dëshmitarëve është shpallur i pafajshëm.

Lamar Davenport u akuzua për vrasjen e shkallës së dytë në sulmin fatal ndaj 33-vjeçares E’Dena Hines, e cila ishte e dashura e tij në atë kohë.

33-vjeçari u dënua për vrasje megjithatë mbrojtja argumentoi se Davenport ishte nën ndikimin e drogës gjatë vrasjes brutale.

Hines u vra në gusht të vitit 2015 jashtë apartamentit të saj në NYC.

Një person që dëshmoi në gjyq për sulmin tha se Davenport bërtiti ndërsa sulmonte Hines: “Unë të dua. Gjithmonë të kam dashur. Perëndia do ta kishte dashur këtë.”

Pasi u arrestua, Davenport u dërgua në një spital ku pasi iu dha qetësues u zgjua duke ulëritur: “Pse ndodhi kjo? Jo, jo! Pse o Zot?”

Hines dhe Davenport, një rapper, kishin jetuar së bashku në një apartament prej 780,000 dollarësh që iu ishte blerë nga aktori Freeman.

Hines është mbesa e gruas së parë të Morganit, Jeanette Adair Bradshaë.

Freeman adoptoi nënën e Hines, Deena Adair kur u martua me Jeanette. Ai luajti rolin e një babai surrogat, i cili rriti Adair pasi prindërit e saj u divorcuan kur ishte vetë, 3-vjeç.